మర్రిచెట్టు గురించి సంపూర్ణ వివరణ - ఔషధోపయోగాలు .

మర్రిచెట్టును సంస్కృతంలో వట , న్యగ్రోధః అని ఆంగ్లము నందు Banian tree అని పిలుస్తారు .

       మర్రిచెట్టు సుప్రసిద్ధం అగు మహావృక్షం . వృక్షములలో ఇంతటి పెద్ద వృక్షం మరొకటి లేదు . పెరిగేకొద్ది కొన్ని ఎకరాల స్థలమును ఇది ఆక్రమించును. చెట్టంతయు జిగురు కలిగిన చిక్కటి పాలను కలిగి ఉండును. ఆకులు సమరేఖలు కలిగి కొన్ని గుండ్రముగా , కొన్ని కోలగా ఉండును. తొడిమ నార కలిగి పొడవుగా ఉండును. లేత ఆకు మృదువుగా , ముదిరినది పండినది పెళుసుగా ఉండును. ఇవి భూమిలో చొచ్చుకొని వేళ్లు పారి మానగును. పండ్లు పగడముల వలే ఎర్రగా ఉండును. పండులో సూక్ష్మ రూపంలో అసంఖ్యాక బీజములు ఉండును.

ఔషధోపయొగములు  -

*  ముందుగా రక్తం పడి ఆ తరువాత మలము పడు రక్తపిత్త రోగులకు కోలగా ఉండు చిగుళ్లు చిదగొట్టి పాలలో వేసి కాచి ఆ పాలను లోపలికి ఇచ్చిన ముత్ర, మల ద్వారముల నుంచి రక్తం కారటం తగ్గును.

*  మర్రి చిగుళ్ళను మరియు గరిక చిగుళ్లను నూరి తేనెతో చేర్చి సేవించిన శరీరం నుంచి రక్తం బయటకి వెళ్లే రక్తపిత్త రోగం తగ్గును.

*  మర్రి చిగుళ్లను , బూరుగు పైన బెరడు , ముత్తవ పులగం వేరు కలిపి మెత్తగా నూరి పైన లేపనం చేసిన వ్రణములు మానును .

*  ముఖంపైన మొటిమల సమస్యతో ఇబ్బంది పడువారు మర్రిచిగుళ్ళు , చిన్న సెనగలు మెత్తగా నూరి పైకి లేపనం చేయుచున్న మంచి ఫలితం ఉండును. మర్రిచిగుళ్ల బదులు పండిన మర్రి ఆకు కూడా వాడవచ్చు .

*  అతిసార వ్యాధితో బాధపడువారు మర్రిచిగుళ్లు బియ్యం కడుగుతో నూరి మజ్జిగతో తీసుకొనుచున్న అతిసార వ్యాధి తగ్గును.

*  నోటిపూతతో ఇబ్బంది పడువారు లేత మర్రి ఊడలు చిదగగొట్టి నీటిలో వేసి కషాయం చేసి పుక్కిలించుచున్న నోటిపూతలు తగ్గును.

*  దంతములు వదులుగా అయినచో మర్రి ఊడలతో పళ్లు తొముచున్న పళ్లు కదులుట, తీపులు తగ్గును.

*  గజ్జి సమస్యతో ఇబ్బంది పడువారు మర్రిచిగుళ్లు , పసుపు కలిపి మెత్తగా నూరి పైన రాయుచున్న గజ్జి తగ్గును.

*  రక్తముతో కూడిన వాంతులు అగుచున్న మర్రిపండ్లు పాలలో వేసి కాచి ఆ పాలను తాగిన రక్తవాంతులు తగ్గును. స్త్రీలలో కనిపించే ఎర్ర కుసుమ వ్యాధి తగ్గును.

*  శుక్ల నష్టం ఆయ్యేఎప్పుడు మర్రిపండ్లను ఎండబెట్టి మెత్తగా చూర్ణం చేసి ఆ చూర్ణమును ఆవుపాలతో కలిపి నిత్యం సేవించుచున్న శుక్లనష్టములు తగ్గును.

*  కాలిపగుళ్లతో ఇబ్బంది పడువారు మర్రిపాలను కాలిపగుళ్లలో ప్రతినిత్యం నింపుచున్న కాలిపగుళ్ళు త్వరగా మానును .

*  ఆహారములో విషదోషాలు హరించు శక్తి మర్రిఆకులతో చేసిన విస్తరికి కలదు.

*  నడుమునొప్పితో ఇబ్బంది పడువారు పలచని నూలుబట్టను మర్రిపాలతో తడిపి వెంటనే రోగి నడుముకి అంటించాలి . అది బాగా అతుక్కిపోతుంది ఈ విధంగా రెండుమూడు పట్టీలు వేస్తే ఎంత బాధాకరం అయిన నడుమునొప్పి అయినా తగ్గును.

*  అతిమూత్రంతో ఇబ్బంది పడువారు బెత్తెడు ముక్క నలగ్గొట్టి పెద్ద గ్లాసు నీటిలో వేసి రాత్రంతా నానబెట్టి ఉదయం సగం గ్లాసు వచ్చేంతవరకు మరిగించి వడకట్టి చల్లార్చి తాగుతుంటే అతిమూత్రవ్యాది తగ్గును.

*  పిప్పిపన్ను సమస్యతో ఇబ్బంది పడువారు మర్రిపాలను దూదితో తడిపి పుప్పిపన్ను రంధ్రములో ఉంచితే వెంటనే పురుగు చచ్చి కిందకు పడును .

*  చెవిలో పురుగులు దూరి ఇబ్బంది పడుతున్న ముందుగా మేకపాలు 5 చుక్కలు చెవిలో వేసి మర్రిపాలు నాలుగు చుక్కలు వేస్తే చెవిలో దూరిన పురుగులు నశించిపోవును .

*  మాటలు రాని చిన్నపిల్లలకు లేత మర్రి ఊడలు మెత్తగా నూరి ఆ గంధాన్ని నాలిక పైన రాయుచున్న చిన్నపిల్లలకు మాటలు వచ్చును.

*  మధుమేహముతో ఇబ్బంది పడువారు మర్రిచెట్టు బెరడు చూర్ణం ఒక టీస్పూను ఒక గ్లాసు నీటిలో వేసి మరిగించి తాగుచున్న మధుమేహం అదుపులోకి వచ్చును.

       గమనిక  -

       నేను రాసిన " ప్రాచీన ఆయుర్వేద ఔషదాలు " అనే గ్రంథం నందు పెద్ద పెద్ద రోగాలకు కూడా అత్యంత సులభ చిట్కాలతో నయం చేసుకునే విధముగా ఇవ్వడం జరిగింది.  రోగ కారణాలు , ఔషధాలు , పత్యాలు అన్ని ఒకేచోట ఇచ్చాను.

           ఈ గ్రంథంలో అన్ని వైద్య యోగాలు ఇంట్లో ఉన్న వస్తువులు మరియు ఇంటి చుట్టుపక్కల దొరికే మూలికలతో సొంతంగా ఇంట్లొనే తయారుచేసుకునే విధంగా ఇవ్వడం జరిగింది. మొక్కలను సులభంగా గుర్తించుటకు రంగుల ఫొటోస్ ఇచ్చాను. ఆయుర్వేదం పైన అవగాహన ఏర్పరచుకోవాలి మరియు ఆయుర్వేదం నేర్చుకునే వారికి చక్కటి మార్గ సూచీ అవుతుంది. గ్రాంధిక భాష కాకుండా మనం వాడే సాధారణ భాష లో ఉంటుంది.

        చెట్లను బట్టి భూమి యందు నీటిని కనుగొనే విధానం , వ్యవసాయంలో అధిక ఫలితాలు సాధించుటకు వృక్షాయుర్వేదం అను ప్రాచీన రహస్య యోగాలు గురించి , పశువుల వైద్య యోగాలు వంటి ఎన్నో అమూల్యమయిన విషయాలు తెలియచేశాను . గ్రంథం మొత్తం 288 పేజీలు ఉంటుంది. ఈ అమూల్య గ్రంథం విలువ 350 రూపాయిలు మాత్రమే .

    కేవలం ఆరు నెలలోపే ద్వితీయ ముద్రణ కు వచ్చిన ఈ గ్రంథం కావలసిన వారు డైరెక్టుగా మాత్రమే సంప్రదించగలరు. గత 250 సంవత్సరాల నుంచి మా వంశపారంపర్యంగా వచ్చిన అనుభవ రహస్య వైద్య యోగాలు ఈ గ్రంథంలో సంపూర్ణంగా వివరించాను.

   ఈ గ్రంథం కావలసిన వారు డైరెక్టుగా ఫొన్ ద్వారా మాత్రమే సంప్రదించగలరు.  సంప్రదించవలసిన నెంబర్

                      9885030034 

 
                కాళహస్తి వెంకటేశ్వరావు

            అనువంశిక ఆయుర్వేద వైద్యం

                      9885030034